[ Valmynd ]

amma tengdadóttur minnar

Birt 10. janúar 2006

var kvödd í dag. Við hjónin þóttumst himinn höndum hafa tekið þegar við fundum laust ókeypis stæði á Sóleyjargötunni. Því miður átti forsetinn stæðið og kirkjugestir horfðu á Vökubíl draga bílinn eftir Fríkirkjuveginum. Ég gerði heiðarlega tilraun til að hlaupa mömmu mína uppi en það mistókst hrapalega þegar hún beygði frá mér. Ekki þýddi að hringja í neinn því allir höfðu slökkt á farsímunum sínum. Það vildi okkur til happs eftir töluvert japl og jaml og fuður að presturinn hafði átt erfitt með að finna bíllyklana sína og var því seinn fyrir og við fengum far með honum í erfidrykkjuna. Það var nú töluvert notalegt að sitja í með prestinum jafnvel skemmtilega sveitalegt.
Við þurftum hins vegar að borga bílinn út og var það töluvert dýrara en stöðumælagjaldið sem við nánasirnar vorum að reyna að spara okkur.

Flokkun: Óflokkað.

Lokað fyrir ummæli.