djöfull hvað ég
Birt 27. mars 2006
fann fyrir þessu þegar ég hjólaði út í búð. Ég varð að halda vettlingi fyrir vitum mér með aðra hönd á 
stýri og oft lá við að vindhviður feyktu mér um koll.
Í gærmorgun sat ég undir pálmatrjám í glampandi sól og hita og fylgdist með skjaldbökum reyna að príla upp á vatnaliljur á lítilli tjörn. Picasso, Gaudi og Míró í bland við mannmergð og veðurblíðu er góð blanda.
Miðsonur minn er 20 ára í dag. Mér finnst ekki langt síðan hann fæddist. Eftir 20 ár verð ég orðin gamalmenni…
Flokkun: Óflokkað.
Til hamingju með drenginn þinn! Það er stórmerkilegt að verða tvítugur. Hvaða land sóttirðu heim?
við fórum til Barcelóna. Það er eins og að fara í súrealískan rússibana að fara inn í álrör í skítakulda koma út úr rörinu og fá hlýja golu í fangið og sjá pálmatré blakta. Fara svo nokkrum dögum seinna aftur inn í rörið og koma út hinu megin í sama helv. skítakulda og áður.
Já mér finnst hann núna alveg fullorðinn, það er nú langt síðan honum fannst það.
Amma R , segist ekki vera orðin fullorðin! ??
*hehe* mér finnst ég ekki heldur vera fullorðin, en Alexander finnst hann einmitt vera mjög fullorðinn. Sennilega verð ég eins og þú og finnst hann ekki fullorðinn fyrr en eftir 4 ár. Og samt sem þú segir um hvað það er absúrd að fara svona milli loftslaga á veturna. Ég hef einu sinni upplifað að fara úr 40 stiga hitabylgju á Spáni og heim í hríðarbyl og norðangarra. Í september 1980. Það var hrikalegt.
ég veit eiginlega ekki hvað felst í því að vera fullorðinn. Það er alla vega ekki það sem maður hélt þegar maður var barn og unglingur. Ég man vel eftir að mér fannst ég fullorðin 12 ára…