[ Valmynd ]

ég fann

10. október 2019

lykt af kulda þegar ég kom út úr vinnunni í dag. Ég ætlaði að hætta snemma en náði því ekki. Mér fannst égvinna vel en tilfinning fyrir því að vera ekki að gera það sem skiptir máli lúrir alltaf í bakhöfðinu. Ég slugsa samt ekki, alltaf nóg að gera.

Ummæli (0) - Óflokkað

að vera

2. september 2019

tábrotin gerir það að verkum að mig langar að gera allskonar sem ég kem ekki í verk óbrotin. Þegar ég tábrotnaði síðast gat ég hoppað um á einum fæti, nú er ekki nokkur möguleiki fyrir mig að reyna það.

Ummæli (0) - Óflokkað

helgar líða

25. ágúst 2019

stöðugt hraðar. Þó ég reyni að rifja upp á sunnudagskvöldi hvað ég gerði föstdagskvöld man ég ekkert. Svo rifjast það upp, barnabörn voru hér, tveir gistu en systir þeirra var keyrð heim.

Ummæli (0) - Óflokkað

loksins komið

8. ágúst 2019

íslenskt sumar, sól og kaldur vindur. Sakna þess hlýja strax.

Ummæli (0) - Óflokkað

samvera

5. ágúst 2019

kynslóða í logni og þurru veðri er ólík samveru í roki og rigningu.

Ummæli (0) - Óflokkað

ég hef þá hugmynd

22. júlí 2019

að ég geti deilt garðinum mínum með fuglum, ormum og skordýrum í mesta bróðerni. En stundum þarf ég að grípa til aðgerða þegar ein tegund verður of gráðug. Spreyjaði eplatrén mín í morgun með grænsápublöndu í þeirri von að halda trjánum á lífi. Það er ekki þægilega iðja að drekkja hundruðum padda en vonandi dugði þetta til. Ef þessi aðgerð skilar ekki árangri er spurning hvort ég neyðist til að fórna trjánum eða eitra, báðir kostir slæmir.

Ummæli (0) - Óflokkað

ég er að

13. júlí 2019

lesa bók um konu sem tók sig til 67 ára og gekk frá Georgíu til Main 1955. Ég skil ekki hvernig þetta var hægt, en vildi geta það, ganga þ.e.a.s.

Ummæli (0) - Óflokkað

tíminn flýgur

fallegt sumar betra en vott.

Ummæli (0) - Óflokkað

okkur vantaði nýtt rúm

21. ágúst 2017

og tókst loks að kaupa það s.l. föstudag og fengum það afhent í dag. Síðasta rúm keyptum við á síðustu öld, þýðir að næst þegar við kaupum okkur rúm verðum við orðin 78 og 77 ára.

Ummæli (0) - Hitt og þetta

að reita arfa

29. júní 2017

er ekki leiðinlegt. Ég tek samt eftir því að ég vil helst sitja sem lengst á sama stað og reita mjög vel í kringum mig. Uppgötvaði í fyrradag, þegar ég sat í sömu sporum á malarstíg í garðinum og tíndi upp hvert einasta smá rusl sem ég sá að það stafaði ekki af snyrtimennsku minni, heldur kveið ég fyrir að þurfa að mjaka mér áfram eða standa upp. Liðverkir mínir gera það að verkum að ég vil helst hreyfa mig sem minnst. Gott að mér er ekki illa við arfa, vil samt ekki leyfa honum að taka alveg yfir svo ég held honum í skefjum með því að taka smá svæði fyrir í einu. 30 mín á dag, þegar hangir þurrt duga mjög vel enn sem komið er alla vega.

Ummæli (0) - Hitt og þetta